మణిపూర్ లో మహిళలను నగ్నంగా ఊరేగించిన ఘటనలో ఒకరి అరెస్ట్

మణిపూర్ లో ఇద్దరు మహిళలను నగ్నంగా ఊరేగించిన వీడియో కలకలం రేపిన సంగతి తెలిసిందే. ఈ ఉదంతంపై దేశ వ్యాప్తంగా ఆగ్రహావేశాలు వ్యక్తమవుతున్నాయి. సాక్షాత్తు ప్రధాన మంత్రి మోదీ కూడా పార్లమెంటు సమావేశాలకు ముందు ఈ అంశంపై స్పందించారు. ఈ దారుణానికి ఒడిగట్టిన వారిని వదిలే ప్రసక్తే లేదని అన్నారు. మరోవైపు ఈ దారుణానికి పాల్పడిన వారిలో కీలక వ్యక్తిని పోలీసులు అరెస్ట్ చేశారు. హీరాదాస్ (32)ని అరెస్ట్ చేసినట్టు పోలీసులు తెలిపారు. వీడియోలో గ్రీన్ కలర్ టీషర్ట్ ధరించి హీరాదాస్ కనిపిస్తున్నాడు. వీడియో ఆధారంగా అతన్ని పోలీసులు అదుపులోకి తీసుకున్నారు.